Banner portadaEscudo De Ares
imagen tel |Ir A Principal|Contacto

Logotipo Ares


Ares, Xoves 23 de Novembro de 2017
Galego|Español|English
O ALCALDE RESPONDE

Pregúntelle ao Alcalde
CÁMARA WEB
WebCam Concello
CALENDARIO
añomesNovembro
2018
mesaño
LuMaMiXoVeSaDo
1234
567891011
12131415161718
19202122232425
2627282930

Calendario escolas MunicipaisEscolas Municipais
SEDE DIGITAL
Sede Digital

Perfil Contratante

Ares Digital

Tempo CPI Conde de Fenosa
Alcalde Julio Iglesias
Saúdo do Alcalde
Julio Ignacio Iglesias Redondo
XORNADA CONTRA A VIOLENCIA DE XÉNERO. NOVOS RETOS NA IGUALDADE.

V CAMPUS DIEGO RIVAS 2016

Actividades culturais

Actividades Deportivas

III PLAN DE IGUALDADE DE OPORTUNIDADES DO CONCELLO DE ARES

PERIODO MEDIO DE PAGO A PROVEEDORES

PXOM 2014

Contratación Persoal

Animais Abandonados

Policí Local

Protección civil

Trámites frecuentes

Zona Reciclaxe

Wi-fi Gratis

Aloxamentos e restaurantes


Turismo
Gastronomía

Ares, como tal vila mariñeira ofrece uns excelentes pratos a base de productos do mar, todos eles confeccionados con productos da máis alta calidade; aínda que, non soamente do mar se serve a mesa dos aresáns, senón que viandas provenientes do campo acompañan ás anteriormente mencionadas como segundo prato ou entrante; reconfortantes e saborosos caldos ou sopas como o "caldo galego" ou unha sopa de mariscos acomodan ó comensal para un mellor gozo dos primeiros pratos, a base de peixes ou mariscos, ou ben, de carnes e vexetais; en caso de decantarnos por pratos do mar, poderemos elixir desde unhas "ameixas á mariñera" ata unha "merluza á galega", pasando por unha saborosa "caldeirada de peixes".

Se as nosas preferencias se centran en receitas provenientes do campo, un bo "cocido galego" ou "lacón con grelos" permitiránnos apreciar a gran calidade dos productos desta terra; todo eso sen nos esquecer das sobremesas tradicionais como as "filloas dóces" ou o "requeixo".

É de obrigado cumprimento, antes de pasar á mesa, o paseo polos establecementos destinados ó "tapeo" e os viños, esenciais para apreciar a esencia do lugar, así poderemos degustar variadas empanadas con diversos recheos, "pementos fritidos", tortilla, guiso de "choupas", lingua con mollo.

Despois de deixar satisfeito o noso apetito, é recomendable realizar algún dos traxectos recomendados na sección de rutas, desta forma, ademais de satisfacer o noso paldal, satisfaremos os nosos ollos coas fermosas vistas das rías e o campo aresán.

Concurso Ares, qué rico

Bo Proveito.

Empanada

Empanada GallegaNunha tixola ponse a dourar a cebola e mais os pementos. Cando xa estea case feita, engádese a carne cortada en tiras, o chourizo en rodas finas e o ovo duro. Dánselles unhas voltas e déixase arrefriar. Estírase a masa co rolo, úntase unha lata con graxa e colócase unha capa fina de masa. Logo bótase o recheo, esténdese uniformemente e , por fin, tápase coa outra lámina de masa. Adórnase, píntase con ovo e métese no forno medio-forte ata que estea completamente dourada. Para evitar que infle é aconsellable facerlle pequenos buracos coa axuda dun garfo.

Nota: A empanada máis habitual é a de carne, da cal é esta receita. Pero hai outras exquisitas empanadas que non se deben deixar de probar: anguía, vieiras, sardiñas, mexillóns, berberechos, polbo, bacallao, lamprea, coello, raxo, ...

Ingrdientes:
500 gr. de masa para empanada,
1/2 kg. de carne de ternera, 1 chorizo,
2 pimientos verdes, 4 cebollas,
1 huevo cocido, Sal y aceite.

Sopa de Mariscos

Sopa de MariscosNunha cazola faise un caldo de peixe. Para su preparación pódense usar cabezas e espiñas, aínda que é aconsellable utilizar algún anaco de peixe como de rabada ou de pescada. Por outra banda, prepárese un mollo coas cabezas do marisco e as nécoras machucadas e pasadas pola peneira; esto dará á sopa unha gran substancia. Unha vez preparado o caldo e o mollo, faise o rustrido a base de cebola, allos, azafrán, pementos, aceite, manteiga e fariña. Unha vez que o rustrido vai callando se lle engade lentamente o caldo de peixe e o mollo de marisco machucado. Móvese para que pouco a poucoco vaia espesando e cando comece a espesar se lle botan as gambas, os mexillóns, o boi da ría, os berberechos e as ameixas. Durante dez minutos dixase que coza e a sopa estará lista.

Para servirla aconsellamos preparar unhos pequenos anacos de pan fritido.

Ingredientes para 6 persoas:
1 kg. de boi da ría; 4 nécoras; ¼ kg. de gambas; 12 pezas de mexillóns; 12 berberechos; 12 ameixas; 1 cebola; 4 dentes de allo; un pouco de azafrán en rama; unha cullerada de pemento dóce; un pouco de fariña; ¼ litro de aceite; unha noz de manteiga.

Ameixas á mariñeira

Ameixas á mariñeiraPREPARACIÓN:
Déixanse as ameixas unhas horas nun recipiente con auga e sal para que solten ben as areas. Nunha tixola con aceite ben quente refógase a cebola previamente picada. A continuación engádense as ameixas. Cando empecen a abrir, bótase o viño branco, o pemento dóce, o loureiro, o perexil picado e finalmente a fariña. Déixase ferver un intre movéndoas continuamente para que non se peguen. Cando o mollo espese, xa están listas para servir.

Nota: Existen tres variedades: Ameixa fina (Tapes decussata), Ameixa babosa (Venerupis pullastra) esta ameixa é máis alongada ca fina, con liñas concéntricas cruzadas por algunhas radiais moi finas aínda que non chegan a formar cuadrículas, é de cor crema, gris ou marrón. Sifóns unidos en case toda a súa lonxitude. Ameixa loira (Venerupis rhomboideus), a ameixa rubia ten a superficie externa das valvas lisa, brillante e sulcada por liñas de crecemento non sempre claras, é de cor crema, amarelado ou marrón alaranxado.

Ingredientes (para 4 persoas):
1 kg, 200 grs. de ameixas; unha cebola grande; 1/2 litro de aceite; unha rama de perexil; unha folla de loureiro; 1/2 cullerada de pemento dócoce; un chisco de pemento picante; un vaso de viño branco; unha cullerada de fariña.

Caldeirada de Pescados

Caldeirada de PescadosCortar as patacas en rodas de un centímetro de grosor. Nunha cazola poñer as patatas e por riba o peixe. A continuación a cebola, o allo, o perexil e mais o pemento, chile e loureiro. Sálpicase xenerosamente con pemento dóce. Báñase todo en aceite e engádeselle auga de caldo ata cubrir a cazola. Poñer a lume forte ata que empeza a ferver e logo baixar ó mínimo para que coza lentamente, movendo a cazola continuamente.

Ingredientes para 4 persoas:
1 kg. de patacas; 1,200 kg. de peixe (pescada, rodaballo, rabada, abadexo); cebola; allo; perexil; pemento; pimento dóce; sal; chile e unha folla de loureiro.

Cocido Gallego

Cocido GallegoDéixase toda a parte do porco en auga a véspera para que perda o sal. Nunha ola grande bótase o lacón, o xamón, a cachucha, a tenreira, a galiña e os chourizos. Ponse a ferver e cando leve unha media hora cocendo, retíranse os chourizos e engádense os garabanzos. Déixase cocer lentamente o resto da carne e despois de hora e media, sácase un pouco de caldo no que se cocen aparte as patacas partidas en cachelos, e mais o repolo, ben limpo e troceado. Unha vez cocido introdúcense ,de novo, os chourizos para quentalos.
Sérvese en fontes separadas: unha para as carnes, outra para as patacas e a verdura e outra para os chourizos partidos en dous ou tres cachos. Co caldo da cocción pódese facer unha sopa de fideos que se serve antes do cocido.

Nota: Segundo a bisbarra, hai moitas variantes do cocido en Galicia

Ingredientes :
1 cacho de lacón, 1 cacho de xamón, 1 rabo de porco, 1/2 cachucha, 1/4 de galiña, 1/4 de carne de terneira ou vaca, 1/4 de touciño, 6 chourizos, 1 repolo, 1 kg. de patacas medianas, 1/4 kg. de garbanzos

Lacón con grelos

Lacón con grelosPónse desala-lo lacón en auga fría durante dous días, trocando o auga a diario. Nunha ola grande cúbrese o lacón con abundante auga e deixase cocer lentamente. Unha vez cocido engádense os grelos, as patacas enteiras e os chourizos, e deixase cocendo ata que se faga. Co caldo sobrante pódese facer unha sopa.

Ingredientes:
1 lacón (pata delantera del cerdo)
6 chourizos
6 patacas grandes
2 mañuzos de grelos

Filloas Doces

Filloas DocesNun recipiente fondo ponse a auga e o sal, engádeselle a fariña e reméxese ben, logo se lle bota o coñac, a monda do limón e os ovos previamente batidos.
Co batedor mestúranse todos os ingredientes (menos o touciño).
Ponse unha tixola ó lume e en canto estea quente, úntase a superficie de mesma co touciño, que soltará unha fina capa de graxa, suficiente para ir fritíndoas unha a unha.
Cun cullerón bótase un pouco do batido movendo a tixola para extender ben o líquido e que quede fino; en canto comece a se despegar do bordo da tixola, dáselle a volta.

Repetir o paso de untar con touciño a tixola entre filloa e filloa.

Ingredientes:
1/2 quilo de fariña, 1/2 litro de auga, 1 ducia de ovos, 1 copa de coñac, 1 monda de limón, sal e lardo de touciño (touciño groso).

Queimada

Nun recipiente de barro cocido vértese a augardente e o azucre, na proporción de 120 gramos por cada litro de líquido. Engádense mondas de limón e os grans de café. Remóvese e plántaselle lume cun cazo no que previamente teremos colocado un pouco de azucre con augardente. Moi despacio, achégase ó recipiente ata que o lume pase de un a outro.
Remóvese ata que o azucre se consuma.
No mesmo cazo bótase un pouco de azucre, esta vez seco, e, colocándoo sobre a queimada, móvese ata convertelo en xarope, que se verte sobre as chamas e, removéndoo, esperamos que as lapas (chamas) teñan unha cor azulada.

Ingredientes:
Aguardiente, azúcar blanco fino, cortezas de limón y algunos granos de café

A Aguardente

A aguardiente de bagazo (tamén coñecido como bagaño ou bullo) faise utilizando o resto da uva prensada (bagazo), destilado cos alambiques ou alquitaras nas casas labregas. O seu uso máis coñecido é queimalo nas famosas queimadas, despois das comidas. Son moi espectaculares as chamas azuis que o queimador provoca co cazo, mentres recita o conxuro

Conxuro

Mouchos, coruxas, sapos e bruxas.
Demos, trasnos e dianhos, espritos das nevoadas veigas.
Corvos, pintigas e meigas, feitizos das mencinheiras.
Pobres canhotas furadas, fogar dos vermes e alimanhas.
Lume das Santas Companhas, mal de ollo, negros meigallos, cheiro dos mortos, tronos e raios.
Oubeo do can, pregon da morte, foucinho do satiro e pe do coello.
Pecadora lingua da mala muller casada cun home vello.
Averno de Satan e Belcebu, lume dos cadavres ardentes, corpos mutilados dos indecentes, peidos dos infernales cus, muxido da mar embravescida.
Barriga inutil da muller solteira, falar dos gatos que andan a xaneira, guedella porra da cabra mal parida.
Con este fol levantarei as chamas deste lume que asemella ao do inferno, e fuxiran as bruxas acabalo das sas escobas, indose bañar na praia das areas gordas.
¡Oide, oide! os ruxidos que dan as que non poden deixar de queimarse no agoardente, quedando asi purificadas.
E cando este brebaxe baixe polas nosas gorxas, quedaremos libres dos males da nosa ialma e de todo embruxamento.
Forzas do ar, terra, mar e lume, a vos fago esta chamada: si e verdade que tendes mais poder que a humana xente, eiqui e agora, facede cos espritos dos amigos que estan fora, participen con nos desta queimada.

Icono de conformidad con el Nivel Doble–A de las Directrices de Accesibilidad para el Contenido Web 1.0| XHTML 1.0 Transitional Válido| ¡CSS Válido!|Rss Concello Ares