Escolas Municipais18º
min.
4º
Festas de carnaval: o martes de entroido.
A Semana Santa aresá é unha das máis notables no ámbito galego. Nela sácase un Cristo de Ferreiro ou do seu taller, preciosa talla do século XVII, conservado habitualmente nun retablo barroco da igrexa parroquial.
Bendición de bolos: En Lubre, “O Domingo de Pascua“, celebrase a tradicional Bendición de Bolos.
Alfombras Floráis: Ten lugar a primeira fin de semana despois de Corpus. Semanas, antes o pobo dedícase á recolección de flores polos xardíns e casas de toda a comarca para alfombrar as rúas da vila. Despois elíxense os deseños que adornarán as alfombras. Na noite do sábado córtase o tráfico en case todas as rúas e vanse colocando as flores, as areas pintadas, as follas de arbustos... que dan cor ós deseños.O Domingo á tarde ten lugar unha misa na igrexa de Ares e logo a tradicional procesión que estragará todo este traballo floral.
Festa de San Xosé: 1 de maio, patrón da parroquia.
Voto de Chanteiro: 1 de xuño.Nesta festa realízase un voto á Virxe en agradecemento por ter permitido que a cidade de Ferrol se librase dunha peste.O luns de Pascua de 1404 os veciños foron rogarlle á Virxe. Coas longas velas, que iluminaban a igrexa, mediron o exterior do templo e todas esas candeas pesaron unhas seis libras, polo que decidiron que cada ano lle ofrecerían á Virxe esa cantidade de cirios se os libraba da enfermidade.
San Pedro: Cervás, 29 de xuño.
Romaría de Santo Antonio: Ten lugar en Seselle durante a primeira quincena de xullo.
Festas de Redes: 16 de xullo.
Festas de San Roque: Teñen lugar o domingo máis próximo ó 16 de agosto.
Festas da Asunción: Celébrase en Lubre o 15 de agosto.
Festas do Mar: Teñen lugar o 20,21e 22 de agosto. Realízase unha procesión marítima.
Nosa Sra. da Mercé: Na ermida de Nosa Señora de Chanteiro (Cervás). Celébrase unha popular romaría o 24 de setembro, festa local no concello.
A romaría consiste nunha misa e mais nunha festa con comida popular no campo da Igrexa de Chanteiro.
Ascensión de Santa Olalla e Lubre: 10 de decembro, é tamén unha festa moi concorrida, na que se saca do templo a figura da Virxe.
