Escolas Municipais25º
min.
19º
NATUREZA OU DESCRICIÓN
A Aula de Informática é un servizo que ofrece o Concello de Ares en colaboración coa Deputación da Coruña para que toda a poboación poida acceder libremente ás oportunidades que brindan os novos sistemas de información e comunicación.
O mundo das novas tecnoloxías converteuse nos últimos anos nun elemento imprescindible dentro da sociedade actual. Encontramos os ordenadores en todos os ámbitos da nosa vida cotiá.
A Aula de Informática ofrece un servizo de acceso libre e gratuíto a Internet para crear un centro de estudo, traballo e lecer.
No horario de aula aberta pódese acudir para realizar traballos escolares, navegar por Internet, abrir unha conta de correo electrónico, enviar e recibir correos, imprimir información puntual, consultar ofertas de emprego na Web, etc.
DESTINATARIOS
A Aula está destinada a todos os habitantes do Concello de Ares que estean interesados no mundo da informática e as novas tecnoloxías.
As persoas que queiran acceder a este servizo só terán que pasar pola Aula e cubrir a ficha de inscrición.
Actualmente a aula conta cun total de 632 usuarios rexistrados.
EQUIPAMENTO
O equipamento da aula de informática municipal é:
- 10 ordenadores con Windows XP
- 1 impresora Epson EPL-5800
- 1 televisión
HORARIO
O horario da Aula Aberta é:
DE LUNS A VENRES
de 10.00 a 14.00
de 16.00 a 19.00
Este horario pode verse modificado por actividades como cursos, xornadas e outras actividades informáticas. Horario Detallado.
LOCALIZACIÓN
Aula de Informática do Concello de Ares
Avenida Mazote n.º 3
15624 Ares (A Coruña)
TELÉFONO
981 453 703
CORREO
Contacto
