Un ano máis, o Concello de Ares, a través da área de Servizos Sociais, que dirixe a edila socialista Victoria Montenegro, participa no programa “Vacacións en paz”, polo que familias deste municipio poderán acoller a un neno ou nena procedente do Sahara durante os meses do verán de 2011.
Os interesados en participar nesta importante iniciativa social poderán dirixirse aos Servizos Sociais do Concello, no seu horario habitual de apertura, ata o vindeiro mes de decembro. Os Servizos Sociais serán os encargados de realizar toda a tramitación necesaria para a acollida dos pequenos.