A concelleira de Servizos Sociais, Victoria Montenegro, foi a encargada de entregar na tarde de onte os trofeos do Torneo de Tute de Nadal 2009. O acto, que incluíu unha merenda na que participaron moitos veciños da terceira idade, tivo lugar no Centro de Maiores.
Nesta iniciativa, que rexistra un importante éxito cada ano, participaron oito parellas. Os xogadores e xogadores disputaron o campionato ao longo do presente mes de decembro, resultando gañadores a parella formada por Dora Pereira Ares e Eduardo Gómez Vicente. No segundo posto quedaron Manolo Bonome Barcia e Savino Díaz Calvo, mentres que o terceiro posto foi para Fina Ogando Piñeiro e Fina Arrive Díaz.