Na xornada de onte levouse a cabo a primeira das cinco rutas de sendeirismo contempladas dentro dun dos principais programas da Concellaría de Deportes: o SendAres 2022 (tempada de inverno-primavera).

Así, os/as sendeiristas percorreron as contornas de Doniños-A Graña a través dun camiño con carácter histórico, pois simula o itinerario que efectuaron as tropas inglesas no século XIX, xusto cando intentaron apoderarse da base naval de Ferrol. Esta primeira ruta duns 14 quilómetros tamén estivo marcada polas vistas espectulares que deixamos aquí embaixo!

Se desexas coñecer máis sobre o SendAres, lembra que tes toda a información accesible na web municipal (www.concellodeares.com).