O Concello vai rebaixar un 8,33% no recibo do lixo dos establecementos de hostalería e restauración para o ano 2021, como medida compensatoria ao peche do 7 de novembro ao 4 de decembro, e axudar a paliar os efectos da crise derivada da Covid-19, nun dos sectores máis afectados.

Esta rebaixa (que supón o desconto dun mes na liquidación da taxa do lixo) engádese ás medidas xa aprobadas no mes de xuño en relación a esta taxa (cun 25% de desconto a tódolos establecementos e negocios –un trimestre-no 2020), xunto coas adoptadas en relación ás terrazas (coa suspensión da liquidación desta taxa durante o 2020).

A proposta do equipo de goberno foi aprobada por unanimidade no Pleno celebrado esta mañá.