O Concello de Ares, pasadas as primeiras semanas lectivas, e ante a evolución favorable dos datos de confinamentos e corentenas na área sanitaria en xeral e no noso municipio en particular, decidiu reabrir os espazos públicos pechados fai tres semanas. A reapertura producirase a partires do xoves 1 de outubro.

Nestes días previos o persoal municipal de servizos procederá á desinfección dos referidos espazos.

Pedimos a toda a veciñanza responsabilidade no uso destes espazos públicos: evitando concentracións de grupos amplos de persoas nun mesmo lugar sen cumprir as distancias reguladas; respectando, de ser o caso, os aforos sinalados; así como no cumprimento das medidas hixiénico sanitarias establecidas.