O alcalde, Julio Iglesias, xunto á concelleira de Educación, Noelia Montero, presidiron esta mañá no salón de Plenos a recepción aos estudantes e profesores Erasmus + participantes no programa de intercambio co CPI As Mirandas sobre as manifestacións artísticas desde as festividades e as tradicións europeas.

O acto contou coa presenza dos 20 estudiantes procedentes de Italia, Grecia, Rumanía, Polonia e Turquía, e os 12 profesores que os acompañan, así como a profesora coordinadora do proxecto e a directora do centro.

Durante esta semana os estudantes europeos residirán en Ares, polo que os representantes municipais quixeron darlles a benvida á localidade e desexarlles o aproveitamento dunha experiencia tan enriquecedora.