O ALCALDE RESPONDE
CÁMARA WEB
CALENDARIO
Escolas Municipais
SEDE DIGITAL
O TEMPO
HISTÓRICO DE PLENOS
RUEIRO ARES
MAPAS DO CONCELLO
Noticias
Notas de prensa
Inician as obras de rehabilitación do Alboio de Quinín na praia de Area Morta de Redes
03 Setembro 2018 13:14
Tras un longo trámite coa Demarcación de Costas para conseguir a concesión para ocupación dos corenta metros cadrados de dominio público marítimo terrestre, por un prazo de quince anos prorrogables a trinta, no día de hoxe asinouse o acta de replanteo para dar luz verde á rehabilitación do emblemático edificio situado na praia de Area Morta de Redes coñecido como “Alboio de Quinín”.
No acto estiveron presentes tanto a concelleira de Urbanismo, Olimpia Marcos, como responsables da Demarcación de Costas e da empresa adxudicataria dos traballos.
Tal e como explicou a concelleira, trátase dun emprazamento singular e único, xa que en toda a comarca non existe outro edificio con estas características e natureza, que se destinará a un espazo de interpretación das actividades mariñeiras.
O edificio, orixinalmente, estaba destinado a almacén de pescadores e, na actualidade, dado ao seu estado de notable deterioro non ten un uso específico. Nel se gardaban artes de pesca, nasa, reparábanse as redes e se organizaba o traballo dos pescadores. Ao regresar da faena diaria, as redes se secaban nas cabrias e posteriormente se gardaban no alboio de Quinín á espera doutra xornada de traballo.
Coa creación do centro de interpretación e exposicións preténdese impulsar a toma de conciencia sobre a importancia do papel da vida mariñeira e do mar na historia e na cultura do territorio, que cobra especial relevencia nun lugar no que o oficio ten tanto arraigo como é Redes.
O proxecto será financiado grazas ao impulso do goberno local cos trámites para a concesión do espazo, a redacción do proxecto para a súa rehabilitación e as xestións para acadar a financiación necesaria, a través dunha subvención da entidade Golfo Ártabro en dúas anualidades (36.697,23 € en 2018 e 39.762,44 € en 2019).
A empresa encargada de realizar os traballos será Construcciones Canosa e contará cun prazo de execución de dous meses para realizar os traballos contemplados nesta primeira anualidade tales como a cimentación, cuberta, revestimento de fachada, carpintaría exterior, instalación eléctrica e accesos.
No acto estiveron presentes tanto a concelleira de Urbanismo, Olimpia Marcos, como responsables da Demarcación de Costas e da empresa adxudicataria dos traballos.
Tal e como explicou a concelleira, trátase dun emprazamento singular e único, xa que en toda a comarca non existe outro edificio con estas características e natureza, que se destinará a un espazo de interpretación das actividades mariñeiras.
O edificio, orixinalmente, estaba destinado a almacén de pescadores e, na actualidade, dado ao seu estado de notable deterioro non ten un uso específico. Nel se gardaban artes de pesca, nasa, reparábanse as redes e se organizaba o traballo dos pescadores. Ao regresar da faena diaria, as redes se secaban nas cabrias e posteriormente se gardaban no alboio de Quinín á espera doutra xornada de traballo.
Coa creación do centro de interpretación e exposicións preténdese impulsar a toma de conciencia sobre a importancia do papel da vida mariñeira e do mar na historia e na cultura do territorio, que cobra especial relevencia nun lugar no que o oficio ten tanto arraigo como é Redes.
O proxecto será financiado grazas ao impulso do goberno local cos trámites para a concesión do espazo, a redacción do proxecto para a súa rehabilitación e as xestións para acadar a financiación necesaria, a través dunha subvención da entidade Golfo Ártabro en dúas anualidades (36.697,23 € en 2018 e 39.762,44 € en 2019).
A empresa encargada de realizar os traballos será Construcciones Canosa e contará cun prazo de execución de dous meses para realizar os traballos contemplados nesta primeira anualidade tales como a cimentación, cuberta, revestimento de fachada, carpintaría exterior, instalación eléctrica e accesos.
