-Cofradía de Jesús Nazareno y Soledad de Nuestra Señora-

DOMINGO DE RAMOS

As CINCO do serán, sae da Igrexa Parroquial de Ares a imaxe da “ENTRADA TRIUNFAL DE XESÚS EN XERUSALÉN” camiño da praza da constitución, onde terá lugar a bendición dos Ramos e as Palmas. Ó remate deste acto, terá lugar a procesión da “Entrada Triunfal de Xesús en Xerusalén” polas rúas da vila. Acompañando a dito paso a imaxe de “SAN XOAN EVANXEÍSTA”. A procesión irá acompañada pola A.M “Virgen de la Amargura” de Ferrol.

A continuación, Santa Misa na Igrexa Parroquial.

LUNS SANTO

Ás SETE do serán, Misa de preparación Pascual para tódolos feligreses na Igrexa Parroquial.

MARTES SANTO
Ás SETE do serán, Santa Misa na Igrexa Parroquial.

As NOVE da noite, “Vía-Crucis” polas rúas da vila, coa imaxe do “CRISTO DAS ÁNIMAS”

MÉRCORES SANTO

Ás SETE do serán, Santa Misa na Igrexa Parroquial á que se convida a tódolos feligreses.

XOVES SANTO

Ás CINCO do serán, celébrase a Santa Misa en conmemoración da “Derradeira Cea do Señor”, na Igrexa Parroquial. Ó remate da Santa Misa, traslado do Santísimo ó Sagrarío.

A continuación sae a procesión da “Santa Cea”. Acompañado o paso da “SANTA CEA” sairán os pasos de “SAN XOAN EVANXEÍSTA e SAN PEDRO” , “ORACIÓN NA HORTA” E A “VIRXE DAS DORES”.

Ás DEZ da noite, “Sermón das Negociacións de San Pedro” no Templo Parroquial. Presiden este acto as imaxes do “Ecce-Homo” e de “San Pedro”. A conclusión do Sermón sar procesión do “Ecce-Homo”, na que participan os seguintes pasos: “SAN XOAN EVANXEÍSTA”, “SAN PEDRO” , “ECCE-HOMO”, “XESÚS PRESENTADO AO POBO” e a “VIRXE DA SOIDADE”.

Os desfiles procesionais terán o acompañamento musical da Banda Municipal da Asociación Cultural “Xabrega” de Ares.

VENRES SANTO

Ás CATRO E MEDIA da madrugada, tradicional marcha do “Pregón”.

Ás SETE da mañá, “VIA-Crucis Penitencial” polas rúas da Vila.

Ás NOVE E MEDIA da mañá, tradicional acto do “Encontro de Xesús coa súa Nai” na Praza da Constitución. Á finalización do acto, ten lugar a procesión de “Xesús Nazareno”, da que forman parte os seguintes pasos: “SAN XOAN EVANXEÍSTA”, “VERÓNICA”, “MARÍA MAGADALENA”, “XESÚS NAZARENO” E A “VIRXE DAS DORES”.

Ás DOCE do mediodía, “Solemne Acción Litúrxica e Adoración da Santa Cruz” na Igrexa Parroquial.

Ás CINCO do serán e ante a imaxe de Cristo Crucificado, “Sermón das Sete Palabras”, rematando co tradicional acto do “Descendemento”.

A continuación sae ás rúas a procesión do “Santo Enterro” na que toman parte os seguintes pasos: “SAN XOAN EVANXEÍSTA”, “VERÓNICA”, “CRUZ DA PAIXÓN”, “MARÍA MAGADALENA”, “SANTO SEPULCRO” e a “VIRXE DA SOIDADE”. Os desfiles procesionais terán o acompañamento musical da Banda de Música da Asociación Cultural “Xabrega” de Ares.

Ás DEZ da noite, sermón da “Soidade de María”, na igrexa parroquial.

Ó remate deste Sermón sae a procesión de “Os Caladiños”, que rememora a volta do Calvario. Nesta procesión saen os seguintes pasos: “SAN XOAN EVANXEÍSTA”, “VERÓNICA”, “MARÍA MAGADALENA” ,“CRUZ DA PAIXÓN” e a “VIRXE DA SOIDADE”.

O remate da procesión, na porta do Templo Parroquial e con María mirando ó Pobo en acto de Bendición, entóase a “Salve Popular”.

SÁBADO SANTO

Ás NOVE E MEDIA da noite, Solemne “Vixilia Pascual” no Templo Parroquial, coa “Bendición da Auga e do Lume”.

DOMINGO DE RESURRECCIÓN

Ás ONCE E MEDIA da mañá sae da Igrexa Parroquial de Ares a imaxe de “Xesús Resucitado”.

Á mesma hora, sae da Igrexa de Santa Olaia de Lubre, a imaxe de “Nosa Señora do Rosario” para atoparse co seu Fillo, Triunfante e Glorioso.

Ó remate do Encontro, iníciase a procesión ata a Igrexa de Lubre, onde terá lugar a Santa Misa de campaña co Sermón da Resurrección e a bendición do Pan de Pascua.

SE QUERES FACERTE SOCIO OU COLABORAR PORTANDO ALGÚN DOS PASOS, PONTE EN CONTACTO CON NÓS NO TELÉFONOS 669 632 814 // 669 520 480.

COFRADÍA DE JESÚS NAZARENO Y SOLEDAD DE NUESTRA SEÑORA
RÚA CONSISTORIO, 14 BAIXO
C.P.-15624 ARES /A CORUÑA)