Banner portadaEscudo De Ares
imagen tel |Ir A Principal|Contacto

Logotipo Ares


Ares, Xoves 12 de Decembro de 2019
Galego|Español|English
O ALCALDE RESPONDE

Pregúntelle ao Alcalde
CÁMARA WEB
WebCam Concello
CALENDARIO
añomesDecembro
2019
mesaño
LuMaMiXoVeSaDo
1
2345678
9101112131415
16171819202122
23242526272829
3031

Calendario escolas MunicipaisEscolas Municipais
SEDE DIGITAL
Sede Digital

Licitacin Electrnica

Perfil Contratante

Ares Digital

Tempo CPI Conde de Fenosa
Alcalde Julio Iglesias
Saúdo do Alcalde
Julio Ignacio Iglesias Redondo
NADAL EN ARES 2019/2020

XORNADAS CONTRA A VIOLENCIA DE XÉNERO

III CONCURSO FOTOGRAFIA XUVENIL 2019

Vive Ares 2018

Actividades culturais

Actividades Deportivas

III PLAN DE IGUALDADE DE OPORTUNIDADES DO CONCELLO DE ARES

PERIODO MEDIO DE PAGO A PROVEEDORES

APROBACIÓN PROVISIONAL PXOM 2017

APROBACIÓN INICIAL PXOM 2014

Contratación Persoal

Animais Abandonados

Policí Local

Protección civil

Trámites frecuentes

Zona Reciclaxe

Wi-fi Gratis

Aloxamentos e restaurantes


@ dixital
Convocatorias
XORNADAS FORMATIVAS SOBRE NOVAS PERSPECTIVAS DE NEGOCIO NO ÁMBITO RURAL
25 Octubre 2018

A Dirección Xeral de Xuventude, Participación e Voluntariado, da Consellería de Política Social, convoca unhas xornadas formativas de tres días de duración sobre novas perspectivas de negocio con cultivos alternativos no ámbito rural, aos efectos de que os mozos e mozas adquiran coñecementos sobre a xestión de actividades no eido rural.

Obxectivos:
- Fomentar e informar á xuventude sobre novas perspectivas de negocio e de cultivos no medio rural.
- Fomentar a implantación de novos cultivos agrícolas que permitan obter beneficios económicos.
- Achegar os conceptos que permiten obter producións competitivas de calidade.
- Definir as técnicas e procesos para a produción dos cultivos alternativos que presenten unha perspectiva de negocio.
- Xestionar e interrelacionar as diferentes áreas funcionais da empresa.
- Prestar asesoramento técnico para poder alcanzar óptimos niveis de eficiencia na produción e obtención de produtos de alto valor engadido e boa rendibilidade económica a través do acceso ás canles curtas de comercialización.

Esta iniciativa impulsa a relación e integración da xuventude na realidade económica do territorio reforzando o coñecemento do marco local de vida dos mozos e mozas, reforza o achegamento da mocidade á realidade do tecido empresarial galego e portugués, promove o coñecemento e valorización dos recursos e potencialidades que ofrece o territorio e ofrece unha ferramenta para que a mocidade adquira coñecementos que axuden ao seu desenvolvemento persoal e profesional.


DATAS DE REALIZACIÓN: Do 11 ao 14 de novembro de 2018
Entrada: domingo, 11 de novembro a partir das 19:30 horas.
Saída: mércores, 14 de novembro a partir das 14:30 horas.

LOCALIZACIÓN
Albergue xuvenil de Gandarío
Lugar, Cornide, 20
15167 Bergondo
A Coruña

DESENVOLVEMENTO (PROGRAMA PROVISIONAL)
Xornada 1 (11 de novembro)
- 19:30 horas: chegada ao Albergue xuvenil de Gandarío (Bergondo)
Xornada 2 (12 de novembro): “Emprendemento en base a cultivos hortícolas”
- 09: 30 h: saída do albergue xuvenil de Gandarío (Bergondo).
- 10:15 h: encontro sectorial no Espazo Xove de Curtis con empresarios da zona.
- 11:45 h: visita explotación Frutas Geuixade (Sarandóns-Abegondo). Produción: fresa e kiwi.
- 16:00 h: visita explotación A Horta de Porta (Iñás-Oleiros). Produción: horta ecolóxica.
- 18:00 h: visita empresa Bodegas Rilo ( Babío-Bergondo). Produción: vitivinícola.
- 20:00 h: chegada ao albergue xuvenil de Gandarío.
Xornada 3 (13 de novembro): “Obtención de maior valor engadido en producións agrarias e gandeiras”
- 09: 30 h: saída do albergue xuvenil de Gandarío (Bergondo).
- 10:00 h: encontro sectorial no Espazo Xove de Pontedeume con empresarios da zona.
- 11:00 h: visita fábrica Leite Celta (Pontedeume).
- 16:00 h: visita explotación Da terra do país, S.L. (Miño). Produción: pataca e cebola chata.
- 17:30 h: visita á explotación Granxa O Cancelo (Bemantes-Miño). Produción: leite e xeados.
- 19:00 h: visita explotación Orballo (Donín- Paderne). Produción: plantas aromáticas e té ecolóxico.
- 20:00 h : chegada ao albergue xuvenil de Gandarío.
Xornada 4 (14 de novembro): “Novos cultivos de viabilidade no medio rural”
- 09: 30 h: saída do albergue xuvenil de Gandarío (Bergondo).
- 10:00 h: encontro sectorial no Espazo Xove de Betanzos con empresarios da zona (*).
- 13:30 h: clausura.
- 14:30 h: chegada ao albergue xuvenil de Gandarío.
(*) Análise de produción e cultivo de:
Quinoa: denominación pseudocereal. Semente de alto valor nutricional, rica en proteínas completas, magnesio, ferro e calcio, usado para a alimentación.
Pistacheiro: os pistachos son ricos en graxas monoinsaturadas. Cultivo que, implantado con técnicas de cultivo ecolóxico, pódese realizar con facilidade e supón un valor engadido na produción.
Kale: versátil e moi nutritiva. Baixa en graxas saturadas, colesterol e rica en proteínas; contén desoxidantes; alta en fibra, minerais e vitaminas A e C.
“Frutas do bosque”.
Bimi: hortaliza producida pola hibridación natural entre o brócoli e un tipo de col oriental chamada “Kai-lan”; rico en glucosinolatos, conta con nutrientes esenciais e ácido fólico, desoxidantes, zinc e vitamina C. Posúe un alto contido en fibra e ácido linoleico.
Chía: as sementes de chía son unha fonte moi alta de ácido oleico e ácido linoleico. O aceite de chía ten unha porcentaxe moi alta de ácidos graxos insaturados, ao redor do 70 %.
Cáñamo industrial: o uso e aproveitamento das múltiples posibilidades que este cultivo ofrece para producir aceite de gran calidade, para consumo e cosmética, material de construción e illamento, cordas, papel, tecidos para a confección de roupa etc.
Lúpulo: entre os seus compoñentes, os alfaácidos, proporcionan amargor, os aceites esenciais confiren aromas, os taninos posúen propiedades antibacterianas e permiten inhibir o crecemento de bacterias lácticas e acéticas. É a flor femia usada como saborizante e axente estabilizador na cervexa principalmente, entre outras finalidades.

DESTINATARIOS/AS: Mozos e mozas galegos/as e portugueses/as con idades comprendidas entre 18 e 30 anos.

COBERTURA
- Aloxamento en réxime de pensión completa en cuarto de uso múltiple.
- Transporte no ámbito da actividade.
- Acompañamento por equipo técnico.
Será por conta do mozo/a participante o desprazamento desde o seu domicilio ata o albergue xuvenil de Gandarío.

PRAZAS: 30 prazas
PRAZO DE INSCRICIÓN: Do 25 de outubro ao 5 de novembro de 2018.
INSCRICIÓN: Mediante envío de formulario electrónico.
ADMISIÓN: Será por rigorosa orde de inscrición ata cubrir a totalidade de prazas.
Os/as solicitantes seleccionados/as recibirán un correo electrónico de confirmación da praza. De non recibir comunicación no día seguinte á finalización do prazo de inscrición, entenderase que non obtivo praza.


PROXECTO LIDERA

Esta iniciativa enmárcase no proxecto “Catalizador de oportunidades de emprego e emprendemento xove transfronteirizo” (acrónimo LIDERA), aprobado ao abeiro do programa Interreg V A España Portugal 2014-2020 (POCTEP), un proxecto que ten como obxectivo promover o desenvolvemento económico transfronteirizo a través das capacidades laborais e de emprendemento dos mozos e mozas do territorio. Conta cun orzamento de 1.428.692,93 euros cun co-financiamento dun 75 % de fondos Feder e unha duración de catro anos (2016-2019).

Dentro do proxecto Lidera, esta acción formativa forma parte da actividade “Crece” que ten como obxectivo provocar un coñecemento, proceso e contexto de traballo en rede no que se involucren os distintos actores e reactivos do territorio a través da xeración de espazos de desenvolvemento local no ámbito de influencia do proxecto.

Son socios do proxecto: a Dirección Xeral de Xuventude, Participación e Voluntariado, a Fundación Galicia Europa, a Cámara Oficial de Comercio, Industria, Servizos e Navegación de Santiago de Compostela, o Instituto Português do Desporto e da Juventude (IPDJ), a Federación Nacional de Asociaciones Juveniles Portuguesas (FNAJ) e a Comunidade Intermunicipal do Ave.

Formulario de inscrición



Icono de conformidad con el Nivel Doble–A de las Directrices de Accesibilidad para el Contenido Web 1.0| XHTML 1.0 Transitional Válido| ¡CSS Válido!|Rss Concello Ares