Debido á aprobación inicial do Plan Xeral de Ordenación Municipal de Ares e dado cumprimento ao establecido na normativa de aplicación, sométese a información publica o citado documento e o informe de sostenibilidade ambiental por un prazo de dous meses, a contar dende o día 4 de abril do presente, unha vez publicado o anuncio do Diario Oficial de Galicia e en dous xornais de maior difusión na provincia.

O equipo redactor do documento estará a disposición dos veciños, previa cita, os martes e venres de 10:00 a 14:00. Se desexa solicitar cita previa poderá facelo chamado ao 981 44 80 57 facilitando os seus datos persoais e o número de plano no que estean incluídas as leiras a consultar ou ben na Alianza Aresana en horario de 10:00 a 14:00 e de 16:30 a 20:30 horas.