Este mes de febreiro, o proxecto Coruña Suma pon en marcha un curso formativo de Socorrismo en Espazos acuáticos naturais aberto a calquera persoa desempregada doutros concellos da provincia! Trátase dunha especialización que presenta alta demanda dentro dos municipios costeiros.

Así, organizaranse dous cursos, un en horario de mañá (9.00 a 14.00 horas) e outro en horario de tarde (15.30 a 20.30 horas), con formación gratuíta, prácticas en empresas e expedición do certificado de profesionalidade. Haberá posibilidade de recibir beca de asistencia e desprazamento.

En específico, este itinerario de Socorrismo en Espazos Acuáticos destínase a toda persoa desempregada inscrita no Servizo Público de Emprego e debidamente empadroada no seu concello. Podes solicitar información chamando ao 981 184 399 ou mandando un correo electrónico a coruna.suma@coruna.gal indicando o interese no curso de socorrismo.

O prazo para inscribirse remata o vindeiro venres, 28 de xaneiro.